لاہور۔8مئی(اے پی پی) لاہور ہائیکورٹ پنجاب اسمبلی دی بحالی کیتے دائر درخواست ناقابل سماعت قرار ݙیندے ہوئیں مسترد کرݙتی۔ عدالت درخواست مسترد کریندے ہوئیں درخواست گزار تے ھک لکھ روپے جرمانہ وی عائد کرݙتے ۔لاہور ہائیکورٹ دے جسٹس شاہد کریم شہری شرافت علی دی درخواست تے سنوار کوں ابتدائی سماعت کیتی۔ عدالت باور کرائے جے درخواست گزار جرمانے دی معافی دی درخواست ݙتی تاں جرمانہ دی رقم ودھا تے ݙو لکھ روپے کرݙیسوں ۔درخواست گزار دی طرفوں پنجاب اسمبلی دی تحلیل دی سمری کوں کالعدم قرار ݙیوݨ دی استدعا کیتی ڳئی ہئی۔دوران سماعت عدالت کاوڑ کریندے ہوئیں آکھیے اے کیہو جیہاں درخواستاں دائر کریندن ۔عدالت درخواستگزار شرافت علی تے ھک لکھ روپے جرمانہ لیندے ہوئیں درخواست مسترد کرݙتی۔
