اسلام آباد۔9مئی (اے پی پی) نیب راولپنڈی سابق وزیراعظم عمران خان کوں القادر ٹرسٹ کیس اچ گرفتار کیتے۔ منگل کوں نیب راولپنڈی توں جاری بیان موجب نیب راولپنڈی سابق وزیراعظم عمران خان کوں القادر ٹرسٹ کیس اچ گرفتار کر ڳھدے۔ اے مقدمہ القادر یونیورسٹی کیتے زمین دے غیر قانونی حصول اتے تعمیرات بارے اے جئیں اچ نیشنل کرائم ایجنسی برطانیہ دے ذریعے بنیادی رقم 190 ملین پائونڈز دی وصولی اچ …
سابق وزیراعظم عمران خان کوں القادر ٹرسٹ کیس اچ گرفتار کیتا ڳے، نیب راولپنڈی دا اعلامیہ
اسلام آباد۔9مئی (اے پی پی) نیب راولپنڈی سابق وزیراعظم عمران خان کوں القادر ٹرسٹ کیس اچ گرفتار کیتے۔ منگل کوں نیب راولپنڈی توں جاری بیان موجب نیب راولپنڈی سابق وزیراعظم عمران خان کوں القادر ٹرسٹ کیس اچ گرفتار کر ڳھدے۔ اے مقدمہ القادر یونیورسٹی کیتے زمین دے غیر قانونی حصول اتے تعمیرات بارے اے جئیں اچ نیشنل کرائم ایجنسی برطانیہ دے ذریعے بنیادی رقم 190 ملین پائونڈز دی وصولی اچ غیر قانونی فائدہ شامل اے۔ نیب راولپنڈی ولوں کیتی ڳی انکوائری اتے انویسٹیگیشن دے قانونی طریقہ کار کوں پورا کرݨ دے بعد سابق وزیراعظم عمران خان دی گرفتاری کیتی ڳی اے۔ انکوائری/انویسٹیگیشن دے عمل اچ سابق وزیراعظم اتے انہاں دی اہلیہ کوں کئی کال اپ نوٹس جاری کیتے ڳن کیونجو ݙوہیں القادر ٹرسٹ دے ٹرسٹیز ہن۔ سابق وزیراعظم یا انہاں دی اہلیہ ولوں کہیں وی کال اپ نوٹس دا جواب نی ݙتا ڳیا۔ سابق معاون خصوصی برائے وزیراعظم شہزاد اکبر مذکورہ کیس اچ ملوث کلیدی کردار ہن۔ او اتے سابق وزیراعظم تصفیہ معاہدے بارے حقائق/دستاویزات کوں لُکا تے اپݨی کابینہ کوں گمراہ کریندے رہیے۔ 190 ملین برطانوی پائونڈز رقم تصفیہ/معاہدے دے تحت ملی ہئی اتے قومی خزانے اچ جمع تھیوݨی ہئی۔ رقم کوں بحریہ ٹاؤن کراچی کیس اچ 460 ارب روپے دی ادائیگی دے معاملے اچ ایڈجسٹ کیتا ڳیا۔ سابق وزیراعظم دے سابق معاون خصوصی مفرور شہزاد اکبر دے خلاف ریڈ نوٹس جاری کرݨ دی کاروائی پہلے ای شروع کیتا ڳے۔
