سابقہ قبائلی علاقیاں دے ضم تھیے ضلعیاں دی ترقی تے توجہ ݙیوݨ دی لوڑھ اے، دہشت گردی پاروں سابقہ فاٹا دے علاقیاں دی صحت اتے تعلیم دے شعبے بری طرح متاثر تھین، صدر مملکت ڈاکٹر عارف علوی دی قبائلی عمائدین نال ڳالھ مہاڑ

اسلام آباد۔9مئی  (اے پی پی) صدر مملکت ڈاکٹر عارف علوی خیبرپختونخوا دے سابقہ قبائلی علاقیاں دے ضم تھیے ضلعیاں دی ترقی تے توجہ ݙیوݨ دی لوڑھ تے زور ݙیندیں ہوئیں آکھیا جو دہشت گردی پاروں سابقہ فاٹا دے علاقیاں دی صحت اتے تعلیم دے شعبے بری طرح متاثر تھین۔ ایوان صدر دے پریس ونگ توں منگل کوں جاری بیان موجب صدرمملکت اے ڳالھیں سابق فاٹا دے ضم تھیے ضلعیاں دے قبائلی عمائدین نال ایوان صدر اچ ملاقات اچ آکھی۔ قبائلی عمائدین دا تعلق مہمند، باجوڑ، خیبر، اورکزئی، کرم، جنوبی وزیرستان، شمالی وزیرستان اتے ایف آر پشاور/کوہاٹ توں ہئی۔