آئین دی گولڈن جوبلی دی مناسبت نال ݙو ݙینھ وار بین الاقوامی کنونشن پارلیمنٹ ہاؤس اچ شروع تھی ڳئے ، 17 ملکاں توں پارلیمانی وفد شریک

اسلام آباد۔10مئی(اے پی پی):قومی اسمبلی دے زیر انتظام  آئین دی گولڈن جوبلی دی مناسبت نال ݙو ݙینھ وار بین الاقوامی کنونشن پارلیمنٹ ہاؤس اچ شروع تھی ڳئے ۔آئین دی گولڈن جوبلی دے سلسلے اچ منعقدہ کنونشن اچ 17 توں ودھ ملکاں دے پارلیمانی وفد شریک ہن۔سپیکر میڈیا آفس توں جاری بیان موجب کنونشن اچ سعودی عرب، ایران، آذربائیجان، شام، بیلجیم، دے سپیکرز؍ڈپٹی سپیکر اتے چیئرمین شریک ہن ۔بین الاقوامی کنونشن اچ کینیا، سری لنکا، لبنان، عمان، تاجکستان اتے کرغزستان دے پارلیمانی وفد وی  شریک ہن۔کنونشن اچ غیر ملکی ماہر قانون، سکالرز، دانشور اتے پروفیشنلز کوں وی سݙیا ڳئے۔نوجوان، تریمتاں ، طلباء اتے ٻئے شعبہ ہائے زندگی توں تعلق رکھݨ آلے لوک وی کنونشن دا حصہ ہن ۔کنونشن اچ میڈیا دے نمائندیں اتے سول سوسائٹی توں تعلق رکھݨ آلے لوکاں کوں وی سݙیا ڳئے ۔