اسلام آباد۔10مئی(اے پی پی) سعودی عرب دی مجلس شوریٰ دے چیئرمین ڈاکٹر عبداللہ بن محمد بن ابراہیم الشیخ ٻدھ کوں سپیکر قومی اسمبلی راجہ پرویز اشرف نال ملاقات کیتی جیں اچ ݙو پاسے تعلقات ، امت مسلمہ کوں پیش آندے چیلنجز سودھے اہم علاقائی و عالمی امور تے ڳالھ مہاڑ کیتی ڳئی ۔ سپیکر ڳالھ مہاڑ کریندے ہوئیں آکھیے پاکستان تے سعودی عرب دے درمیان برادرانہ تعلقات مذہب ، …
سپیکر قومی اسمبلی راجہ پرویز اشرف نال سعودی مجلس شوریٰ دے چیئرمین ڈاکٹر عبداللہ بن محمد بن ابراہیم الشیخ دی ملاقات
اسلام آباد۔10مئی(اے پی پی) سعودی عرب دی مجلس شوریٰ دے چیئرمین ڈاکٹر عبداللہ بن محمد بن ابراہیم الشیخ ٻدھ کوں سپیکر قومی اسمبلی راجہ پرویز اشرف نال ملاقات کیتی جیں اچ ݙو پاسے تعلقات ، امت مسلمہ کوں پیش آندے چیلنجز سودھے اہم علاقائی و عالمی امور تے ڳالھ مہاڑ کیتی ڳئی ۔ سپیکر ڳالھ مہاڑ کریندے ہوئیں آکھیے پاکستان تے سعودی عرب دے درمیان برادرانہ تعلقات مذہب ، ثقافت ،تاریخ تے سانجھے اعتماد و احترام دے لازوارل رشتیں تے استوار ہن ۔ ݙو طرفہ تعلقات کوں مزید مضبوط بݨاوݨ کیتے پارلیمانی رابطیں اچ ودھارا اہمیت دا حامل اے ۔ انہاں آکھیے سعودی عرب دی مجلس شوریٰ دے چیئرمین دی سربراہی اچ سعودی پارلیمانی وفد دی ݙو ݙینھ وار بین الاقوامی آئینی کنونشن اچ شرکت تے شکریہ ادا کرینداں ۔سعودی عرب دی مجلس شوریٰ دے چیئرمین ڈاکٹر عبداللہ محمد الشیخ آئین دی 50 ویں سالگرہ دے موقع تے کامیاب بین الاقومی آئینی کنونشن دے انعقاد تے مبارخ ݙتی تے آکھیے آئین پاکستان دی مناسبت نال ھک مہینے تئیں جاری رہݨ آلی تقریبات دا کامیاب انعقاد قابل تعریف اے۔ ۔سعودی عرب دی مجلس شوریٰ دے چیئرمین ڈاکٹر عبداللہ بن محمد بن ابراہیم الشیخ سپیکر قومی اسمبلی راجہ پرویز اشرف کوں سعودی عرب دا دورہ کرݨ دی دعوت وی ݙتی ۔
