دستور پاکستان دی گولڈن جوبلی دے سلسلے اچ بین الاقومی کنونشن دے ݙوجھے ݙینھ دی کارروائی شروع

اسلام آباد۔11مئی(اے پی پی):دستور پاکستان دی گولڈن جوبلی دے سلسلے اچ بین الاقومی کنونشن دے ݙوجھے ݙینھ دی کاروائی شروع تھی ڳئی اے ، اڄ دستور پاکستان دی  ݙوجھے ݙینھ دی بین الاقوامی تقریب توں وزیر خارجہ بلاول بھٹو زرداری خطاب کریسن ۔ گولڈن جوبلی دے بین الاقوامی سیمینار اچ 17 بین الاقوامی سپیکرز، پارلیمانی وفود شریک ہن۔پہلے سیشن دی صدارت مسلم لیگ ن دے سینئر رکن قومی اسمبلی محسن شاہ نواز رانجھا کریندے پئن ۔ݙوجھے ݙینھ ، کنونشن دا آغاز پہلے ݙینھ دی کارروائی دے خلاصے توں تھیا ۔ اڄ دے بین الاقوامی کنونشن داعنوان “بحراناں دے دور اچ آئین، نیویگیٹنگ چیلنجز” ہوسی ،آئین کیویں بحراناں جیویں وبائی امراض، قدرتی آفات اتے سیاسی بدامنی توں سامݨے آندے چیلنجز دا مقابلہ کرسڳدے تے ڳالھ تھیسی ۔ اڄ مختلف آئینی امور تے ھکے ویلھے ترائے بریک آؤٹ سیشن وی تھیسن ، پہلے بریک آؤٹ سیشن دی صدارت شزہ فاطمہ کریسن ،پہلے بریک آؤٹ سیشن اچ بنیادی حقوق، آئین دے تحفظ، نفاذ اتے چیلنجز تے توجہ ݙتی ویسی ۔ ݙوجھے آوٹ سیشن دی صدارت وفاقی وزیر شازیہ مری کریسن ،ݙوجھے سیشن اچ “آئین اتے عدالتاں، آئین دی تشریح، حقوق اتے آزادیاں دا تحفظ” دے موضوع تے بحث تھیسی ،تریجھا بریک آوٹ سیشن سید مصطفیٰ محمود دی صدارت منعقد تھیسی، تریجھے سیشن اچ ’’آئین اتے معاشی انصاف‘‘ دے موضوع تے ڳالھ مہاڑ تھیسی ، بین الاقوامی کنونشن دا اختتام سپیکر راجہ پرویز اشرف دی زیر صدارت ایکسکلوسو مساوی معاشریں دی تعمیر، چیلنجز اتے مواقع دے موضوع تے تھیسی ۔ کنونشن توں کلیدی خطاب وزیر خارجہ بلاول بھٹو زرداری کرییسن۔