ملتان۔24مئی(اے پی پی) 25 مئی کوں دفاع وطن،قانون دی عملداری کیتے جان نچھاور کرݨ آلیں کوں خراج تحسین پیش کیتا ویسی ۔ ملتان ڈویژن اچ یوم تکریم شہداء بھرپورطریقے نال منایا ویسی ۔ اے ڳالھ کمشنرعامرخٹک الیکٹرانک، پرنٹ، براڈکاسٹنگ میڈیا دے صحافیاں نال ملاقات اچ آکھی اے ۔انہاں آکھیے یوم تکریم شہداء تے شہداء دی فیملیز کوں سݙیا ڳئے ۔ پاکستان ساݙی آن،افواج، قانون نافذ کرݨ آلے ادارے ساݙی شان ہن۔ میڈیا ریاست دا چوتھا ستون، بین الاقوامی سطح تے مثبت تاثراجاگرکرے۔ ایں موقع تے ڈپٹی کمشنر ملتان ڈاکٹرعمرجہانگیر، ڈائریکٹرتعلقات عامہ سجادجہانیہ، ڈپٹی ڈائریکٹرزوسیم یوسف، ارم سلیمی موجود ہن ۔ صحافی برادری وی ایں عزم دا اظہار کیتے جو پریس کلب توں وی شہدا کوں خراج تحسین پیش کرݨ کیتے ریلی کڈھی ویسی ۔
