اسلام آباد۔25مئی (اے پی پی):وزیراعظم محمد شہبازشریف آکھیے قوم اپݨے ہیروز، غازیاں اتے شہدا ، انہاں دے خانداناں نال غیر متزلزل یکجہتی کیتے اڄ یوم تکریم شہدا پاکستان منیندی پئی اے 9 مئی پاکستان دے محافظاں ، معماراں تے اینکوں کمزور کرݨ آلیں دے درمیان ونڈ دی لکیر چھک ݙتی اے۔ وزیراعظم اپݨے ٹویٹ اچ آکھیے قوم یوم تکریم شہدا پاکستان انتہائی عقیدت نال منیندی پئی اے ۔ وزیراعظم آکھیے او 9 مئی دے المناک واقعات کوں محض ھک احتجاج دے طور تے نی ݙیکھدا جیڑھے پرتشدد تھی ڳئے ۔ انہاں لوکاں دے ارادے جنہاں انہاں واقعات دی منصوبہ بندی کیتی ہئی او دراصل ٻہوں ہی خطرناک ہن اے شرمناک واقعات دی ھک واضح شکل ہئی اتے پوری قوم ݙٹھے جو کیویں کجھ لوکاں دی اقتدار دی ہوس انہاں کوں او کم کرݨ تے مجبور کیتے جیڑھا پہلے کݙاہیں نی تھیا ۔ وزیراعظم آکھیے شہدا دی یادگاراں کوں نشانہ بݨاوݨ ، انہاں دی بے حرمتی کر تے اتے ریاست دی علامتاں تے حملہ آور تھی تے شرپسنداں پاکستان دے نظریے اتے تشخص تے حملے کیتے تے ملک دشمناں کوں جشن مناوݨ دی وجوہات ݙتیاں ۔وزیراعظم آکھیے قوم اپݨے شہداء دی عزت دی حفاظت کرݨ ڄاݨدی اے ۔ 9 مئی دے المناک تے دل دہلا ݙیوݨ آلے واقعات یاد کرویندے پئن جو اساکوں ایجھے سارے لوکاں کیتے نشاندہی اتے انہاں کوں بے نقاب کرݨا اے جیڑھے پاکستان دی بنیاداں کوں تباہ کرݨ چاہندن ۔ 9 مئی دے واقعات پاکستان دے محافظاں اتے معماراں اتے اینکوں کمزور کرݨ آلیں دے درمیان تقسیم دی لکیر چھک ݙتی اے ۔ وزیراعظم آکھیے اڄ اساں آپݨے اپنے شہدا دی عزت و تکریم کوں برقرار رکھݨ دے اپݨے عزم دا اعادہ کریندوں ۔ پاکستان وجود عوام اتے شہدادے درمیان روحانی رشتے نال جڑیا ہویا اے ۔ پاکستان دا قیام 20ویں صدی دا ھک معجزہ اے اتے ایندی عمارت شہدادے مقدس خون دی یقینی بنیاداں تے کھڑی اے۔ اساں کݙاہیں وی انہاں دے احسان دابدلہ نہ چکا سڳسوں۔شہید دی جیڑھی موت اے او قوم دی حیات اے ۔۔۔ لہو جیڑھا اے شہید دا او قوم دی زکوٰۃ اے۔
