اسلام آباد۔25مئی (اے پی پی سرائیکی سروس) سرائیکی ادبی اکیڈمی ، صحرائی سوشل آرگنائزیشن اتے نیشنل کونسل آف آرٹس دی سانجھ نال سرائیکی ثقافتی پروگرام بعنوان “سرائیکی ثقافتی مردیاں ہوئیاں قدراں دا ابھار” منایا ڳیا جیندے اچ موسیقی، مشاعرہ اتے جھمر پیش کیتی ڳی۔ ایں موقع تے معروف کتھک رقاص اسفند یار خٹک دی “قمیض تیݙی کالی” ڳاوݨ تے سوھݨی پرفارمنس حاضرین کوں جھمݨ تے مجبور کر ݙتا۔ اسفند یار خٹک دا تعلق معروف پشتو شاعر خوشحال خان خٹک دے قبیلے نال اے اتے یارھویں پشت اچ انہاں نال ونڄ ملدے۔
