اسلام آباد۔25مئی (اے پی پی سرائیکی سروس) سرائیکی ادبی اکیڈمی ، صحرائی سوشل آرگنائزیشن اتے نیشنل کونسل آف آرٹس دی سانجھ نال سرائیکی ثقافتی پروگرام بعنوان “سرائیکی ثقافتی مردیاں ہوئیاں قدراں دا ابھار” منایا ڳیا جیندے اچ موسیقی، مشاعرہ اتے جھمر پیش کیتی ڳی۔ ایں موقع تے معروف شاعرہ اتے ادیبہ راشدہ ماہین ملک اپݨےسرائیکی اشعار سݨائے۔ راشدہ ماہین ملک شاعرہ اتے ادیبہ ہن، اتے وفاقی اردو یونیورسٹی اسلام آباد اچ پروفیسر ہن۔ انہاں دی پنڄ کتاباں وی چھپ چکین جئیں اچ،Iqbal the spiritual father of pakstan،iqbal and the concept of pakistan,،شال میں لپٹی رات (شاعری)، باغ، دل والی دلی میں(سفر نامہ ہندوستان )شامل ہن۔اقبالیات اتے سلطان باہو تے انہاں ٻہوں کم کیتے۔ حاضرین ولوں انہاں دی شاعری کوں ٻہوں پسند کیتا ڳیا۔
