اسلام آباد۔25مئی (اے پی پی سرائیکی سروس) سرائیکی ادبی اکیڈمی ، صحرائی سوشل آرگنائزیشن اتے نیشنل کونسل آف آرٹس دی سانجھ نال سرائیکی ثقافتی پروگرام بعنوان “سرائیکی ثقافتی مردیاں ہوئیاں قدراں دا ابھار” منایا ڳیا جیندے اچ موسیقی، مشاعرہ اتے جھمر پیش کیتی ڳی۔ایں موقع تے اسلام آباد اتے راولپنڈی اچوں لوکاں دی وݙی تعداد شریک تھئی۔ ایں موقع تے سینئر کالم نگار، صحافی، ادیب اتے شاعر نیر سرحدی اپݨےسرائیکی اشعار ترنم نال سݨائے اتے حاضرین توں داد وصول کیتی۔ حاضرین ولوں انہاں دی شاعری کوں ٻہوں پسند کیتا ڳیا۔
