اسلام آباد۔25مئی (اے پی پی سرائیکی سروس) سرائیکی ادبی اکیڈمی ، صحرائی سوشل آرگنائزیشن اتے نیشنل کونسل آف آرٹس دی سانجھ نال سرائیکی ثقافتی پروگرام بعنوان “سرائیکی ثقافتی مردیاں ہوئیاں قدراں دا ابھار” منایا ڳیا جیندے اچ موسیقی، مشاعرہ اتے جھمر پیش کیتی ڳی۔ایں موقع تے اسلام آباد اتے راولپنڈی اچوں لوکاں دی وݙی تعداد شریک تھئی۔ ایں موقع تے نینگراں ولوں پیش کیتا ڳیا چولستانی رقص حاضرین دا دل موہ ڳھدا۔ حاضرین ایں پرفارمنس توں محضوظ تھیے اتے اینکوں ٻہوں پسند کیتا اتے خوب داد ݙتی۔
