اسلام آباد۔29مئی (اے پی پی سرائیکی سروس) سرائیکی قومی تحریک ٹانک دی مرکزی کابینہ دی مدت 3 سال پوری تھیوݨ تے کابینہ کوں تحلیل کر ݙتا ڳیا۔ شاہد زمان قائم مقام چیئرمین سرائیکی قومی تحریک مقرر کر ݙتا ڳیا۔ سرائیکی قومی تحریک ٹانک دی مرکزی کابینہ دے الیکشن 2023 کیتے نثار احمد کوں چیف الیکشن کمشنر مقرر کرݙتا ڳیا جڈانجو شفقت زمان بلوچ نائب چیف الیکشن کمشنر، شاہد زمان ممبر الیکشن کمیشن اتے فخر زمان معاون الیکشن کمیشن ہوسن۔ ایں بارے الیکشن کمیشن سرائیکی قومی تحریک ٹانک الیکشن دا شیڈول جاری کر ݙتے جئیں موجب نامزدگی فارم حاصل کرݨ دی تاریخ 24-5-2023 توں 27-5-2023 ، فارم جمع کراوݨ دی تاریخ 28-5-2023 توں 29-5-2023 اتے انتخابی نشان جاری کرݨ دی تاریخ 31-5-2023 ہوسی۔ الیکشن اچ پولنگ ݙو جون جمعے کوں سویلے 8:30 توں 12 وڄے تئیں تھیسی۔
