اقوام متحدہ ۔5جون(اے پی پی) اقوام متحدہ آکھیے پلاسٹک دا استعمال ماحولیاتی آلودگی دا ٻہوں وݙا سبب اے،عالمی برادری اینکوں روکݨ کیتے اقدامات کرے۔عالمی یوم ماحولیات دے موقع تے آپݨے پیغام اچ اقوام متحدہ دے سیکرٹری جنرل انتونیو گوتریش آکھیے پوری دنیا اچ ہرسال 400 ملین (40 کروڑ)ٹن توں ودھ پلاسٹک پیدا تھیندے تے ایںدے اچوں ھک تہائی صرف ھک واری استعمال تھیندے، ہر روز 2000 توں ودھ ٹرک جیڑھے جو پلاسٹک دے کچرے نال لݙیے ہوندن ، انہاں کوں سمندراں، دریاواں اتے جھیلاں اچ سٹیا ویندے ، انہاں آکھیےمائیکرو پلاسٹک ساݙے کھاݨے، پاݨی اتے ہوا دے ذریعے ساݙے جسم اچ داخل تھیندا پئے ، انہاں آکھیے جتنا زیادہ پلاسٹک اساں سڑیندوں اتنا ہی زیادہ موسمی بحران کوں بدتر کریندے پیوں ، ایں مسئلے دا حل ساݙے ہتھ اچ اے ۔
