ملتان۔6جون(اے پی پی) شاعراہل بیت اتے سرائیکی اردو غزل ونظم دی وکھری آواز حیدر گردیزی دا32واں ورھیݨاں 7جون کوں منایا ویسی ۔ حیدر گردیزی 1924اچ محلہ شاہ گردیز ملتان اچ ڄمیے ۔انہاں شروع عمر توں ہی شاعری دا آغازکیتا۔انہاں کوں سرائیکی دے پہلے ہائیکونگارہووݨ دا اعزازوی حاصل اے۔انہاں دے 9شعری مجموعے ہن جنہاں اچ سرائیکی ہائیکو،مسدس ،مناقب اتے سلام دے مجموعے شامل ہن ۔او 7جون 1991کوں حرکت قلب بند تھیوݨ پاروں اللہ کوں پیارے تھی ڳئے ۔
