اسلام آباد۔7جون (اے پی پی)کابینہ دی اقتصادی رابطہ کمیٹی (ای سی سی) ہائوسنگ اتے پی ایس ڈی پی دے تحت مختلف منصوبیاں کیتے تکنیکی ضمنی گرانٹس دی منظوری ݙتی اے۔ اجلاس وزیرخزانہ سینیٹر محمد اسحاق ڈار دی زیرصدارت تھئے۔ اجلاس اچ پنجاب اچ جاری مالی سال اچ ایس اے پی دے تحت گھر ٻݨاوݨ دے منصوبہ کیتے ہک ارب روپے، جاری مالی سال اچ رہائشی سکیماں ݙیوݨ کیتے وزارت ہائوسنگ کیتے 14802.32 ملین روپے، وزارت ہائوسنگ دے 15 ترقیاتی منصوبیاں کیتے 1209.45 ملین روپے، پائیدارترقیاتی اہداف اچیومنٹ پروگرام سانڳے کابینہ ڈویژن کیتے 5 ارب روپے، جاری مالی سال اچ پی ایس ڈی پی دے تحت پنجاب اتے خیبرپختونخوا اچ ترقیاتی منصوبیاں سانڳے وزارت توانائی کیتے 1773 ملین روپے، عالمی بینک منسوبیاں دے تحت وفاقی وزارت تعلیم کیتے 3.96 ارب روپے، جاری مالی سال اچ وزارت انسداد منشیات کیتے 130 ملین روپے، انسداد منشیات فورس دے آپریشنل اخراجات کیتے 8 ملین روپے اتے جاری مالی سال اچ بجٹ شارٹ فال نال نمتݨ کیتے ریونیو ڈویژن کیتے 6 ملین روپے دی تکنیکی ضمنی گرانٹس منظور کیتی گئی۔
