اسلام آباد۔15 جون(اے پی پی، سرائیکی نیوز سروس) اسلامیہ یونی ورسٹی بہاول پور دے وائس چانسلر پروفیسر ڈاکٹر اطہر محبوب سرائیکی دے جگ مشہور شاعر شاکر شجاع آبادی کوں سرائیکی زبان اتے شعرو ادب دیاں خدمتاں تے اعتراف اچ اسلامیہ یونیورسٹی بہاول پور ولوں لائف ٹائم اچیومنٹ ایواڈ ڈتے۔ یونیورسٹی انہاں کوں ڈاکٹریٹ دی اعزازی ڈگری وی ݙیسی۔ کمشنر بہاولپور اہتشام انور مہار،پروفیسر ڈاکٹر اطہر محبوب وائس چانسلر اتے سرائیکی شعبہ دے اڳواݨ اتے ڈین فیکلٹی سوشل سائنسزپروفیسر ڈاکٹر جاوید حسان چانڈیو انہاں دی شخصیت تے سوڄھلا پاتا۔ جوائنٹ ایڈیٹر روزنامہ پاکستان شوکت اشفاق سودھا جنوبی پنجاب دی صحافتی برادری وی تقریب اچ موجود ہئی۔شاکر شجاع آبادی سرائیکی دے مہان شاعر ہیں جنہاں دی شاعری کوں پورے پاکستان دی ہر زبان ٻولݨ آلا سمڄھدے اتے پسند کریندے، او ہک انقلابی اتے سماج پرست شاعر ہین۔
