اسلام آباد۔16جون (اے پی پی سرائیکی نیوز سروس) اسلامیہ یونیورسٹی ولوں جام پور کیمپس دی پروپوزل جمع کراڈتی گئی اے عمارت دی تعمیر کیتے “رکھ عظمت والا “سرکاری زمین دی نشاندہی کرݙتی گئی اے، فوری طور تے کلاساں دے اجراء سانگے عمارت دا انتخاب وی کرگھدا گیا اے ایں کیمپس دے قیام سانگے سردار عماراحمد خان لغاری بھر پور کوشش کریندے پئین گورنر پنجاب منظوری ڈیوݨی اے۔ اے ڳالھیں وائس چانسلر اسلامیہ یونیورسٹی بہاول پور ڈاکٹر اطہر محبوب سرائیکی وسیب توں تعلق رکھݨ آلے قومی اخباراں ایڈیٹراں ‘ کالم نگاراں اتے سینئر صحافیاں دے اعزاز اچ آپدے ولوں ݙتی گئی تقریب توں خطاب کریندیں ہوئیں آکھی۔ اے پی پی نال گالھ مہاڑ کریندے ہوئے کالم نگار آفتاب نواز خان مستوئی دے سوال دا جواب ڈیندے ہوئے جام پور توں عبدالروف بالم فاضل پور ستوں محمد امین انجم اتے حاجی پور توں میاں نواز شریف بلانی ایں موقع تے موجود ہن۔ جام پور دے عوامی تے سماجی اتے تعلیمی حلقیاں وائس چانسلر انجینئر اطہر محبوب اتے سردار عمار احمد خان لغاری دی کوششاں دی تعریف کریندیں ہوئیں توقع کیتی جو سردار عمار احمد خان گورنر پنجاب توں جلدی منظوری ڳھنسن تے جام پور دے پسماندہ علاقے اچ جتھ علم دا نور کھنڈسی اتھاں علاقے دے غریب طلباء اتے طالبات کوں گھر ٻیٹھے اعلیٰ تعلیم دے موقع ملسن ۔
