اسلام آباد۔21جون (اے پی پی سرائیکی نیوز سروس) سینئر رہنما پاکستان پیپلز پارٹی نفیسہ شاہ آکھیاجو بے نظیر بھٹو شہید جمہوریت کیتے ٻہوں وݙی جدوجہد کیتی اے، انہاں آمریت دا ڈٹ تے مقابلہ کیتے اتے پاکستان کوں ناموافق حالات دے باجود ترقی یافتہ ملک ٻݨاوݨ کیتے مثالی خدمات انجام ݙتن۔ اے ڳالھیں انہاں اسلام آباد اچ ” شہید بے نظیر فاؤنڈیشن ولوں” محترمہ بے نظیر بھٹو دی 70 ویں سالگنڈھ سانڳے ” وہ آج بھی زندہ ہے” دی تقریب توں خطاب کریندیں ہوئیں آکھی۔ تقریب اچ سابق وزیراعظم محترمہ بے نظیر بھٹو دی صاحبزادی آصفہ بھٹو ،سینئر رہنما فرحت اللہ بابر ، وفاقی وزیر سینیٹر شیری رحمان، موجود ہن۔ نفیسہ شاہ آکھیا جو بے نظیر اڄ اساݙے وچال موجود کائنی بھل انہاں دا نظریہ اتے جمہوریت کیتے خدمات اساݙے کیتے مشعل راہ ہن جیندے اتے چلدیں ہوئیں اساں ملک کوں ہک مثالی ریاست ٻݨاوݨ کیتے کم کریندے رہسوں۔ ایں موقع تے وزیراعظم محترمہ بے نظیر بھٹو دی صاحبزادی آصفہ بھٹو سالگنڈھ دا کیک کٹیا۔
