اسلام آباد۔21جون (اے پی پی سرائیکی نیوز سروس)، وفاقی وزیر موسمیاتی تبدیلی سینیٹر شیری رحمان آکھیا جو شہید محترمہ بے نظیر بھٹو دی جمہوریت کیتے خدمات سیاسی بصیرت ،مفاہمت اتے علم و شعور پورا جڳ منیندے۔ شہید محترمہ اپݨی رت نال پاکستان اچ جمہوریت کیتے ہک نویں تاریخ لکھی اے۔ اے ڳالھیں انہاں اسلام آباد اچ ” شہید بے نظیر فاؤنڈیشن ولوں” محترمہ بے نظیر بھٹو دی 70 ویں سالگنڈھ سانڳے ” وہ آج بھی زندہ ہے” دی تقریب توں خطاب کریندیں ہوئیں آکھی۔ تقریب اچ سابق وزیراعظم محترمہ بے نظیر بھٹو دی صاحبزادی آصفہ بھٹو ،سینئر رہنما فرحت اللہ بابر ، چیئرپرسن بے نظیر انکم سپورٹ پروگرام شازیہ مری اتے نفیسہ شاہ سودھے ٻے شرکاء وی موجود ہن۔انہاں آکھیا جو شہید بے نظیر بھٹو عالم اسلام دی پہلی تریمت وزیراعظم ہن، انہاں ہمیشہ جمہوریت دی سربلندی کیتے کم کیتا۔ اڄ دا ݙینھ اساکوں اے عہد کرویندے جو اساں اپݨی شہید رہنما دے مشن کوں اڳوں تے ودھاؤں۔ ایں موقع تے وزیراعظم محترمہ ب
ے نظیر بھٹو دی صاحبزادی آصفہ بھٹو سالگنڈھ دا کیک کٹیا۔
