لاہور۔23جون(اے پی پی)پاکستان ریلوے عید الاضحیٰ دے موقع تے اندرون ملک سفر کرݨ آلے مسافراں کیتے 3 عید سپیشل ٹریناں چلاوݨ دا اعلان کیتے۔ ریلوے حکام دے مطابق کوئٹہ، کراچی اتے لاہور توں 3 سپیشل ٹریناں چلسن۔ پہلی عید سپیشل ٹرین کوئٹہ توں پشاور 26 جون کوں روانہ تھیسی ڄݙاں جو کراچی توں لاہور عید سپیشل ٹرین 27 جون کوں ویسی۔ تریڄھی سپیشل ٹرین عید دے بعد 3جولائی کوں لاہور توں کراچی چلائی ویسی۔ اے عید سپیشل ٹریناں 10 ،10 بوگیاں آلیاں ہوسن۔ ٻعے پاسو قومی ائیر لائن پی آئی اے وی عید الاضحیٰ تے اندرون ملک پروازاں دے کرایاں اچ 10 فیصد رعایت دا اعلان کیتے۔
