اسلام آباد۔1جولائی (اے پی پی):پٹرولیم دے وزیر مملکت مصدق ملک آکھیے جو متحدہ عرب امارات زراعت، کان کنی اتے انفارمیشن ٹیکنالوجی ڄݙاں جو چین توانائی اتے ٻعے شعبیاں اچ پاکستان اچ سرمایہ کاری کرݨ چاہندن اتے ایں سانڳے حکمت عملی تے کم کریندے پن۔ نجی ٹی وی نال الیندے انہاں آکھیا جو کئی ملک جیویں سعودی عرب، متحدہ عرب امارات اتے چین پہلے ہی پاکستان اچ کاروباری مواقع ڳولݨ دا آکھ چکین، سعودی عرب سرمایہ کاری کیتے پاکستان کوں ارباں ڈالر ݙیوݨ چاہندے۔ مصدق ملک آکھیا جو حکومت ملک اچ توانائی دی ودھدی مانگ پوری کرݨ کیتے پہلے ہی روس توں تیل ڳھنݨ شروع کر ݙتے ڄݙاں جو گیس دے شعبے اچ آذربائیجان نال وی معاہدے تھیندے پن۔
