ڈیرہ غازی خان ۔05 جولائی (اے پی پی) ڈیرہ غازی خان اچ ممکنہ سیلاب دے پیش نظر انتظامیہ کوں متحرک رہݨ دی ہدایت کیتی ڳئی۔ ایں حوالے نال اجلاس ڈپٹی کمشنر مہر شاہد زمان لک دی زیرصدارت منعقد تھیا،جیں اچ ایڈیشنل ڈپٹی کمشنرز رضوان نذیر،محمداسد چانڈیہ،اسسٹنٹ کمشنرز زاہد اقبال،طارق شبیر،سی ای اوز ڈاکٹر ادریس لغاری سودھے ٻئے افسران شرکت کیتی۔ایں موقع تے ڈپٹی کمشنر آکھیے ساوݨ مینھ اچ ڈیرہ غازی خان کوں رودکوہیاں توں آوݨ آلے پاݨی توں سیلاب دا خطرہ رہندے لہذا انتظامیہ دے پاسے وختی اقدامات وقت دی لوڑھ اے تے رودکوہیاں دے سیلابی پاݨیتوں اتھاں مقیم آبادی کوں محفوظ رکھݨ کیتے اقدامات وی تکھے کیتے ویسن تاں جو کوئی ناخوشگوار واقعہ پیش نہ آ سڳے۔انہاں آکھیے انتظامیہ فلڈ بنداں تےورکنگ تکھا کرݨ دے نال میونسپل سروسز اچ تیزی گھن آوے اسسٹنٹ کمشنرز فلڈ ہاٹ سپاٹ دے دورے کرن ۔
