پاکستان دی اقوام متحدہ دی ’’بچے اور مسلح تصادم‘‘ دے موضوع تے رپورٹ اچ کشمیری اتے فلسطینی ٻالاں دی حالت زار دا ذکر نہ کرݨ تے اقوام متحدہ تے تنقید

اقوام متحدہ۔6جولائی(اے پی پی):پاکستان اقوام متحدہ دی ’’بچے اور مسلح تصادم‘‘ دے موضوع تے رپورٹ اچ مقبوضہ فلسطین  تے بھارت دے غیر قانونی زیر تسلط جموں و کشمیر دے ٻالاں دی حالت زار دا ذکر نہ کرݨ تے اقوام متحدہ کوں تنقید دا نشانہ بݨائےتے اینکوں رپورٹ اچ واضح نظر آوݨ آلی بے ضابطگی اتے کوڑ قرار ݙتے ۔ اقوام متحدہ اچ پاکستان دے مستقل مندوب منیر اکرم سلامتی کونسل دے اجلاس اچ غیر ملکی تسلط آلے علاقیں اچ ٻالاں دی بے پناہ تکلیفاں کوں نشابر کریندے ہوئیں آکھیے او’’خوفناک تجربات‘‘ دا شکار ہن لہذا  اقوام  متحدہ دے سیکرٹری جنرل دی سپیشل ریپریزنٹیٹو فار چلڈرن اینڈ آرمڈ کانفلکٹ ورجینیا گیمبا دی طرفوں جاری کیتی ڳئی سالانہ رپورٹ اچ ساریں توں واضح نظر آوݨ آلی بے ضابطگی اے ہے جو ھک پاسے اسرائیل دی طرفوں فلسطین  اتے ݙوجھے پاسوں بھارت دےغیر قانونی زیر تسلط جموں و کشمیر اچ غیر ملکی تسلط دے حالات کوں رپورٹ اچ درج نی کیتا ڳیا اتے انہاں کوں ’’فری  پاس‘‘ ݙے ݙتا ڳئے ۔ پاکستانی مندوب منیر اکرم آکھیے حقیقت اے ہے جو دنیا اچ ہر6 اچوں ھک ٻال جھیڑے تے جنگاں توں متاثرہ علاقیں اچ رہندے جنہاں دے تحفظ ، بہبود اتے خوشحالی کوں یقینی بݨاوݨ کیتے مزید اقدامات  دی لوڑھ اے ، انہاں جموں و کشمیر  دے ٻالاں تے بھارتی قابض افواج دے دٻاؤ دا ذکر کریندے ہوئیں آکھیے کشمیری ٻالاں دی ھک پوری نسل ناقابل بیان خوف، تشدد اتے جبر دے ماحول اچ پروان چڑھی اے جیں اچ بھارت دی طرفوں 5 اگست 2019 کوں علاقے دی خصوصی حیثیت دی  منسوخی دے بعد مزید ودھارا تھئے ۔