ڈیرہ غازی خان ۔ 12 جولائی (اے پی پی):ڈیرہ غازی خان ڈویژن اچ سیلاب دے ݙر پاروں کنٹرول روم قائم کرݙتا ڳئے،جیڑھا 24 گھنٹے این ڈی ایم اے،پی ڈی ایم اے دے علاوہ متعلقہ ضلعے دی انتظامیہ دے نال رابطے اچ رہسی ۔ایں ضمن اچ کمشنر ڈیرہ غازی خان ڈویژن ڈاکٹر ناصر محمود بشیر دی صدارت اچ اجلاس منعقد تھیا، جیں اچ کمشنرڈی جی خان آکھیے ممکنہ سیلاب پاروں سارے محکمے الرٹ رہن تے انتظامات کوں حتمی شکل ݙتی ونڄے ۔انہاں آکھیے ڈویژن سطح تے انہاں دے آفس اچ وی کنٹرول روم قائم کرݙتا ڳئے جیڑھا جو 3 شفٹاں اچ ہفتے دے ست ݙینھ 24 گھنٹے کم کریسی 0649260499 تے قائم کنٹرول روم این ڈی ایم اے،پی ڈی ایم اے،چارے ڈپٹی کمشنرز اتے متعلقہ محکمیں توں سیلاب متعلق باقاعدگی نال معلومات گھنسی ۔انہاں آکھیے ٻئے محکمے وی اپݨے فوکل پرسنز مقرر کرن تاں جو لوڑھ ویلھے رابطہ کیتا ونڄ سڳے۔
