ملتان۔ 14 جولائی (اے پی پی):سیکرٹری ہاؤسنگ جنوبی پنجاب قیصر سلیم مظفر گڑھ دا دورہ کیتے، پبلک ہیلتھ انجینئرنگ دیاں 13سکیماں دا معائنہ کیتے اتے بریفنگ ڳھدی ۔ 1928توں جاری واٹر سپلائی سکیم اتے 232ملین توں جاری طیب اردگان واٹر ٹریٹمنٹ پلانٹ سکیماں دا معائنہ کیتے تے وختی توں وختی مکمل کرݨ دے احکامات جاری کیتن ۔ سیکرٹری ہاؤسنگ جنوبی پنجاب دا مظفر گڑھ اچ جاری طیب اردگان واٹرٹریٹمنٹ پلانٹ سکیماں دامعائنہ کریندے ہوئیں آکھیے جو ݙوہیں سکیماں تے ترقیاتی کماں دی رفتار تسلی بخش اے ، انہاں واٹر سپلائی اتے سیوریج دیاں سکیماں کوں شفاف انداز نال مکمل کرݨ دے احکامات وی ݙتے ۔ انہاں آکھیے پی ایچ ای دی واٹر سپلائی سکیماں کوں شفاف انداز نال مکمل کرݨ توں بعد کار پوریشن دے حوالے کرݙتا ویسی ۔4 اچوں 2سکیماں تے کم مکمل تھی چکیے ، ٻئے ݙو تے کم وختی مکمل کر ڳھدا ویسی اتے کم دے معیار تے کوئی سمجھوتہ نہ کیتی ویسی ۔ ٹیسٹنگ دے معیار کوں بہتر کرتے ٹیسٹ کرݨ دے بعد میٹیریل کوں استعمال کیتا ونڄے ۔ منصوبیں اچ کرپشن اتے غفلت کرݨ آلے ملازمین و افسراں کوں معاف نہ کریسوں ۔
