اسلام آباد۔14جولائی (اے پی پی سرائیکی سروس) بہاول پوردی معروف علمی، ادبی، سیاسی تے سماجی شخصیت، دانشور ملک حبیب اللہ بھٹہ کل فوت تھی گئے ہن ۔ انہاں بھرپور زندگی گزاری ہک زمانے اچ عملی سیاست اچ وی حصہ پاتا اتے پیپلز پارٹی نال جڑیے ریے بعد اچ سیاست کوں خیر آباد آکھ ݙتا اتے ساری توجہ لکھݨ پڑھݨ تے توجہ ݙتی۔ قومی اخباراں اچ کالم وی لکھیندے رہیے جو ودھ قومی تے بین الاقوامی مسئلیاں تے ہوندیں اتے بہاولپور دےمسئلیاں کوں وی موضوع ٻݨاوݨ اتے ایں خطے نال کیتی ڳی زیادتیاں تے وی کھل الیندے پن، انہاں کوں دریائے ستلج دا پاݨی بند تھیوݨ دا وی افسوس ہئی اتے او اپݨے کالماں اچ وی ڳالھ کریندے ہن۔ بعد اچ انہاں کالماں کوں کتابی شکل اچ وی چھاپیا جئیں دا عنوان آندی جنگاں پاݨی تے تھیسن۔ ملک حبیب اللہ بھٹہ بہاولپور دی علمی ادبی محفلاں دی جان ہوندے ہن۔کجھ عرصے توں صاحب فراش تھیوݨ پاروں گھر تئیں محدود تھی ڳے ہن اتے یادداشت وی مُک ڳی ہئی۔ سینئر صحافی اسلم ملک دا آکھنڑ اے جو بہاول پور اچ پہلا ہوٹل حبیب دے ناں نال انھاں بنڑایا ہئی جتھ ملکہ ترنم نوجہاں آپدے پتر کو جیڑھا صادق پبلک سکول اچ پڑھدا ہا اوں کوں ملنڑ آندے ہن ۔ جگ مشہور آرٹسٹ طاہرہ خان اے پی پی کوں ڈسائے جو سارا سرائیکی وسیب انھاں دے بغیر مونجھاں تھی گئے کوئی 6 مہینے پہلے انھاں دی گھر آلی فوت تھئین جیڑھا آپدے گھر آلے دا بہوں خیال رکھیندے ہن ۔او غریب تے حاجت منداں دی مدد کرنڑ آلے انسان ہن ہٹ کہیں نال محبت رکھدے ہن۔
