اسلام آباد۔14جولائی (اے پی پی سرائیکی سروس) پاکستان سرائیکی پارٹی تے سرائیکستان قومی کونسل ولوں ‘مینگو کانفرنس’ 15 جولائی چھݨ چھݨ 11 وڄے ݙینھ کوں پریس کلب ملتان اچ تھیسی۔ تقریب اچ امب دی ساوݨی کیتے وی ساریاں کوں دعوت آم دا کانڈھا ݙتا ڳے۔ سرائیکستان قومی کونسل دے مرکزی چیئرمین ظہور دھریجہ اتے مرکزی صدر پاکستان سرائیکی پارٹی ملک اللہ نواز وینس پروگرام دے میزبان ہوسن۔ ایں موقع تے سیاسی تے سماجی رہنماواں توں انڄ زرعی ماہرین اتے امباں دے مثالی کاشتکار وی شریک تھیسن۔ایں موقع تے سرائیکستان قومی کونسل دے مرکزی چیئرمین ظہور دھریجہ اتے مرکزی صدر پاکستان سرائیکی پارٹی ملک اللہ نواز وینس تے ٻے رہنما وسیب اتے ملتان اچ امباں دے باغاں دا قتل عام، سرائیکی صوبہ اتے وسیب دے مسئلیاں بارے ݙو وڄے ݙینھ پریس کانفرنس وی کریسن۔ پریس کانفرنس دے بعد پروگرام اچ مینگو پارٹی وی تھیسی۔
