راجن پور۔ 15 جولائی (اے پی پی) روجھان دے علاقہ سونمیانی اچ پتر سید خان پسند دی شادی دی موکل نہ ملݨ تے اپݨے پیو عبدالرحمان ملگانی کوں فائرنگ کرتے قتل کر ݙتا اتے موقع توں ٻھج ڳیا۔ پولیس موقع تے پڄ تے نعش کوں قبضے اچ ڳھن ڳھدا اتے پوسٹ مارٹم کیتے ہسپتال پڄا ݙتا۔ ایس ایچ او تھانہ سونمیانی عمران جمیل ݙسیا جو ابتدائی اطلاع موجب قاتل پسندی دی شادی کرݨ تے ضد کیتی ہئی تے اوندا پیو رشتے تے راضی کائنا ہئی۔ طیش اچ آتے پتر پسٹل نال فائر کر تے اپݨے پیو کوں قتل کر ݙتا۔ قاتل دے خلاف کاروائی کریندیں ہوئیں اوندی ڳول شروع کر ݙتی ڳی اے۔
