اسلام آباد۔17جولائی(اے پی پی):ایشیائی ترقیاتی بینک آکھیے چھل توں متاثر علاقیں اچ نویں سروں تعمیر دیاں کوششاں اچ پاکستان نال تعاون جاری رکھیسی۔ اے ڳالھ ایشیائی ترقیاتی بینک دی طرفوں جاری تھیوݨ آلی ھک رپورٹ اچ آکھی ڳئی اے ، رپورٹ اچ ݙسایا ڳئے جو پاکستان اچ تخفیف غربت ، موسمیاتی تبدیلی تے خدمات دے شعبہ اچ سرمایہ کاری دے ودھارے اچ ایشیائی ترقیاتی بینک اپݨا کردار نبھیندا پئے۔ رپورٹ اچ ݙسایاڳئے جو کووڈ۔19، گزریل سال آوݨ آلی چھل اتے ٻاہرلے جھٹکے پاکستان دی معیشت کیتے اہم مسئلے ہن تاں جو بینک کنٹری پارٹنر شپ سٹریٹیجی (2021-25) دے تحت پاکستان نال مختلف شعبیں اچ آپݨا تعاون جاری رکھیسی ۔ رپورٹ اچ آکھیا ڳئے جو عالمی بینک دیاں سرگرمیاں ، پاکستان دی معاشی اتے ترقیاتی ترجیحات نال جڑیاں ہوندن ۔ بینک اقتصادی و انتظامی ، انتظام و انصرام ، ماحولیاتی وموسمیاتی تبدیلی، مسابقت اچ ودھارا تے نجی شعبے دی ترقی اچ پاکستان نال تعاون جاری رکھیسی ۔ رپورٹ اچ ݙسایا ڳئے جو بلوچستان ، سندھ اتے جنوبی پنجاب سودھے چھل توں متاثرہ علاقیں اچ نویں سروں تعمیر تے بحالی دیاں سرگرمیاں جاری ہن ۔ عالمی بینک انہاں سرگرمیاں اچ ٻئے اداریں نال رل تے آپݨا کردار جاری رکھیسی ۔
