اسلام آباد۔ 17 جولائی (اے پی پی): سرائیکی دے ترائے اسکالر پی ایچ ڈی مکمل کر گھدی اے۔ ݙسایا ڳئے جو پروفیسر ڈاکٹر جاوید حسان چانڈیو چیئرمین شعبہ سرائیکی و ڈین فیکلٹی آف آرٹس اینڈ لینگؤیجز اسلامیہ یونیورسٹی آف بہاولپور نگرانی اچ شعبہ سرائیکی دے استاد بدر مسعود خان پی ایچ ڈی مقالہ بعنوان ” جدید سرائیکی شاعری دا عصری تے سماجی منظرنامہ ” پروفیسر ڈاکٹر ممتاز خان بلوچ دی نگرانی اچ پی ایچ ڈی اسکالر مس روبینہ شہناز ” سرائیکی ڈوہڑے دا فکری تے فنی مطالعہ ” اتے پی ایچ ڈی اسکالر محمد اختر “سرائیکی افسانوی ادب وچ طبقاتی کشمکش ” مقالات جات دا دفاع کریندے ڈاکٹریٹ دیاں ڈگریاں مکمل کرگھدن۔ ایں موقع تے ڈاکٹر ریاض خان سنڈھر، ڈاکٹر ممتاز خان کلیانی، ڈاکٹر نصراللہ خان ناصر،ڈاکٹر مقبول حسن گیلانی، ڈاکٹر خالد اقبال، ڈاکٹر صفدر بخاری، ڈاکٹر شکیل پتافی، حفیظ خان، پرنسپل پروفیسر شاھد سراج، پروفیسر رفعت عباس، پروفیسر قدسیہ قاسم، پروفیسر مختیار شاہ بخاری، ڈاکٹر عصمت اللہ شاہ، پروفیسر الطاف خان ڈاھر، ڈاکٹر نسیم اختر،ڈاکٹر فیاض نائچ ،ڈاکٹر ایاز رند،ڈاکٹر نواز ساجد،ڈاکٹر ابوبکر، عاشق بزدار،ظہور دھریجہ،مجاہد جتوئی، پروفیسر عمران میر ،پروفیسر عابد گورگیج پروفیسر یاسر سبطین گوپانگ،پروفیسر صابر شفیق، پروفیسر حمیدہ کوثر، لیکچرار اطہر لشاری، لیکچرار راشد رسول،لیکچرار خالد نجیب،لیکچرار شفقت رسول،لیکچرار سلمان سہو، ڈاکٹر نواز چانڈیہ ،شاھد عالم شاھد، جہانگیر مخلص، اعجاز الرحمن بلوچ، یعقوب کاکڑ،عمران لاڑ دے علاوہ سرائیکی وسیب دے ڈوجھے دانشوراں مبارخاں ڈتیاں۔
