اسلام آباد۔18جولائی(اے پی پی)پاکستان پیپلزپارٹی ملک دی او کلہی نظریاتی سیاسی جماعت اے جیڑھی آپݨے دیرینہ کارکناں کوں عزت تے اعزاز ڈیوݨ اچ سب توں اگوں اے اتے کارکناں دی چنگی سیاسی تے اخلاقی تربیت کیتے اسٹڈی سرکل کوں پارٹی دے اولین الائیڈ ونگ دا حصہ رکھیے۔ جیندے اچ پارٹی دے سینئیر لوکیں کوں ایں مقصد سانگے منتخب کیتا ویندے۔اے ڳالھیں پاکستان پیپلزپارٹی دے صوبائی ڈپٹی سیکریٹری اطلاعات محمد علی احسن, صدر پیپلز پارٹی میٹروپولیٹین کارپوریشن بہاولپور ملک امتیاز کامران چنڑ, سنئیر رہنما ارشاد متین ایڈووکیٹ پاکستان پیپلز پارٹی بہاولپور اسٹڈی سرکل دے نامزد ضلعی جنرل سیکریٹری حاجی ریاض احمد کوں مبارخ ڈیندے ہوئے کیتا ۔ انھاں آکھیا جو وقار احمد صدیقی اتے حاجی ریاض احمد ڈوجھے سینئر رہنماواں نال رل تے پیپلز اسٹڈی سرکل کوں فعال کریسن اتے پارٹی دے کارکناں دی تربیت دے رکے ہوئے کم کوں اگوں ودھیسن ۔ایں موقع تے پیپلز پارٹی بہاولپور میٹرو پولیٹن کارپوریشن دے سینئر نائب صدر عبدالقیوم ملک، نائب صدر سید امجد بشیر اتے ڈپٹی جنرل سیکرٹری شاہ خضر حسن وی موجود ہن جنھاں حاجی ریاض احمد کوں پھلاں دا گلدستے نال مبارخ ڈتی ۔
