اسلام آباد۔18جولائی(اے پی پی)پاکستان پیپلز پارٹی سرائیکی بیلٹ دے صدر تے سابق گورنر پنجاب مخدوم سید احمد محمود آکھے جو بلاول بھٹو زرداری دی کارکردگی توں لگدے جو بلاول بھٹو اگلے وزیر اعظم ہوسن اتے آندے الیکشن اچ پیپلزپارٹیٰ پورے ملک سمیت سرائیکی بیلٹ اچ وی سرپرائز ڈیسی ۔ بہاول پور دی عوام الیکشن اچ پیپلزپارٹی دے حمایت یافتہ امیدواراں کوں کامیاب کریسن ایں سانگےاساں بہاول پور اچ حسین احمد مدنی کوں آپدا امیدوار بنڑایا اے کیوں جو انھاں دا بہاول پور صوبہ دیاں قرارداداں پنجاب اسمبلی توں پاس کراونڑ اچ اہم کردار اے ایں توں علاوہ وسیب کیتے وی بھی انھاں دیاں خدمات ان ۔او آپدے دورہ بہاول پور اچ پیپلز پارٹی دے بزرگ اگوانڑ دانشور،سماجی کارکن ملک حبیب اللہ بھٹہ دی وفات تے انھاں تے پتر اسابق چیف سیکرٹری پنجاب نجیب اللہ بھٹہ اتے پارٹی اگوانڑ صاحبزادہ عاصم جاوید عباسی نال تعزیت کرنڑ دے بعد میڈیا نال گالھ مہاڑ کیتی ۔مخدوم سید احمد محمود آکھے جو اساں مہنگائی دی گالھ گھٹ تے معیشت دی گالھ زیادہ کرنڑی چاہیدی اے کیوں جو کیونکہ جے تئیں معیشت مضبوط نہ تھیسی عوام مہنگائی دی چکی اچ پسدے رہسن ۔ مہنگائی کنٹرول کرنڑ سانگے معیشت کوں مضبوط کرنڑا ہوسی موجودہ مہنگائی پچھلے چار سالاں دا کا خمیازہ اے جیندے اچ معاشی طور تےتلے ڈھے گئے ہیں ۔انھاں آکھے جو آج وی پٹرول اتے بجلی دنیا اچ سب توں سستی پاکستان اچ اے جیں ڈینھ معیشت چنگی تھی گئی لوکیں دی آمدنی ودھ گئی تاں اے مہنگائی اساکوں مہنگائی نہ لگسی ۔ایں توں پہلے مخدوم سید احمد محمود جیڑھلے ائیر پورٹ تے پجے تاں صوبائی کوآرڈینیٹر عبدالقادر شاہین انھاں دے نال ہن ۔ پیپلزپارٹی دے اگوانڑ حسین احمد مدنی،سابق ایم این اے مخدوم سید علی گیلانی،صوبائی ڈپٹی سیکرٹری اطلاعات محمد علی احسن،صدر میٹرو پولیٹن کارپوریشن بہاول پور ملک امتیاز کامران چنڑ، سینیئر نائب صدر ملک عبدالقیوم، ڈویژنل سیکرٹری اطلاعات ملک شاہ محمد چنڑ ،ضلعی جنرل سیکرٹری ارشاد احمد سرویا نائب صدر سٹی سید امجد بشیر ڈپٹی جنرل سیکرٹری سٹی شاہ خضر حسن ڈپٹی انفارمیشن سیکرٹری خواجہ ولید سید احسن مصطفی تے ڈوجھیاں انھاں دا استقبال کیتا ایں توں بعد مخدوم احمد محمود ممبر صوبائی کونسل تے امیدوار قومی اسمبلی حافظ حسین احمد مدنی دی رہائشگاہ تے اہم ملاقاتاں کیتیاں اتے آپدے اعزاز اچ ڈتے گئے ظہرانے اچ شرکت کیتی۔
