اسلام آباد۔ 19 جولائی (اے پی پی) ایشین کرکٹ کونسل ایشیا کپ 2023 دے شیڈول دا اعلان کرݙتے جیندے مطابق ایشیا کپ 30 اگست توں ملتان اچ شروع تھیسی جتھاں پاکستان اتے نیپال دیاں ٹیماں اپݨا پہلا میچ کھیݙسن۔ پاکستان اتے بھارت دا وݙا ٹاکرا 2 ستمبر کوں کینڈی اچ تھیسی۔ ملتان اتے لاہور پاکستان اچ 4 میچز دی میزبانی کریسن۔ پاکستان اتے بھارت 10 ستمبر کوں ولا کینڈی اچ اچ آمݨے سامݨے ہوسن۔ ایونٹ دا فائنل 17 ستمبر کوں کولمبو سری لنکا اچ کھیݙیا ویسی۔ ایشیاء کپ دے میچز 4 وینیوز تے کھیݙیے ویسن۔
