اسلام آباد۔ 19 جولائی (اے پی پی) گال ٹیسٹ تے پاکستان دی پکڑ تکڑی تھی ڳئی، جیت کیتے پاکستان کوں صرف 83 رنز دی لوڑھ اے۔ ایں توں پہلے سری لنکن ٹٰیم پہلے ٹیسٹ میچ دی ݙوڄھی اننگز اچ 279 رنز ٻݨا تے آؤٹ تھی گئی ہئی اتے 131 رنز دے ہدف دے پچھو پاکستان 3 وکٹاں ونڄا تے 48 رنز ٻݨا ڳھدن۔ اوپنر عبداللہ شفیق 8، شان مسعود 7 اتے نائٹ واچ مین نعمان علی بغیر کوئی رن ٻݨائے آؤٹ تھین۔ امام الحق 25 رنز اتے بابر اعظم 6 رنز نال کریز تے موجود ہن۔ سری لنکا ولوں پربھات جے سوریا 2 وکٹاں ڳھدن۔ پاکستان ولوں ݙوڄھی اننگ اچ نعمان علی اتے ابرار احمد 3، 3، آغا سلمان اتے شاہین شاہ آفریدی 2، 2 وکٹاں ڳھدن۔ خمیس کوں میچ دا چھیکڑی اتے فیصلہ کن ݙینھ ہوسی جیندے اچ پاکستان جیت کیتے میدان اچ آسی۔
