گال۔20جولائی(اے پی پی):پاکستان سری لنکا کوں گال ٹیسٹ اچ 4 وکٹاں توں ہرا تے ݙومیچاں دی سیریز اچ ہک صفر دی وتھی ڳھن ڳھدی اے۔ قومی ٹیم 131 رنز دا ہدف 6 وکٹاں تے پورا کیتے۔ امام الحق نصف سنچری سکور کیتی ڄݙاں جو سعود شکیل کوں پہلی اننگز اچ شاندار ڈبل سنچری اتے ݙوڄھی اننگ اچ 30 رنز ٻݨاوݨ تے پلیئر آف دی میچ قرار ݙتا ڳئے۔ ٹیسٹ میچ دے چھیکڑی ݙینھ پاکستان 3 وکٹاں تے 48 رنز توں ولا اننگ شروع کیتی۔ پاکستان ولوں ݙوڄھی اننگ اچ بابر اعظم 24، سعود شکیل 30، سرفراز احمد ہک رنز، نعمان علی صفر، ان مسعود 7 اتے شفیق 8 رنز ٻݨائن۔ اوپنر امام الحق شاندار 50 رنز دی ناٹ آئوٹ اننگز کھیݙی اتے میچ جتوایا ٻئے پاسو آغا سلمان 6 رنز تے ناٹ آئوٹ رہین۔ سری لنکن بائولر پربھات جے سوریا 4 اتے رمیش مینڈس ہک وکٹ ڳھدی۔ ایں جیت دے بعد پاکستان کوں آئی سی سی ٹیسٹ چیمپئن شپ دے 12 پوائنٹس مل ڳن۔
