اسلام آباد۔20جولائی(اے پی پی سرائیکی نیوز سروس)سرائیکی زبان دے مہاندرے انقلابی شاعر خورشید بخاری جھوک لݙا گین ۔ سینئر صحافی جاوید عنبر اے پی پی نال گالھ مہاڑ کریندے ہوئے ڈسایاجو خورشید بخاری نال تعلق والد محترم قبلہ اللہ بچایا خان عنبر مرحوم و مغفور کنوں میکوں ورثے اچ ملیا جینکوں اساں چاچے دے نال نال انہاں دی کمال محبت دی وجہ توں یار ٻݨ تے ٹوریا، ملتان جݙاں وی آنون ہا میڈے مہمان ضرور تھیندے ہن انہاں ملتان دے دوستاں اچ آپݨی کتاب پجاوݨ دا شاید چھیکڑی کم وی میڈے ذمہ لایا ہا جیڑھا کجھ وجوہات دی وجہ توں توڑ نئیں پج سگیا جیندا ہن بہوں ارمان تھیندا پے۔ ان شاءاللہ غیور بخاری سائیں نال رل تے ادھورا کم پورا کریسوں۔ مرحوم خورشید بخاری دی حیاتی دے ݙکھ اپݨی جاہ او ہک عظیم ، باکمال تے باضمیر انسان، مزاحمتی شاعری دا وݙا ناں اتے انتہائی قابل استاد ہن ۔انہاں دا وچھوڑا شاعر غیوربخاری جیڑھے انھاں دے بھتریجے ان ۔انھاں سمیت ساݙے کیتے وݙا صدمہ تے سرائیکی زبان و ادب سانگے وی نقصان اے۔انھاں دا جنازہ سویلے 9 وڄے وستی نذیر آباد، موضع محراب والا، احمد پور شرقیہ وچ پڑھاتے دفنا ڈتا گئے۔
