ڈیرہ غازی خان ۔ 24 جولائی (اے پی پی):ڈپٹی کمشنر ڈی جی خان شاہد زمان لک ضلعی کنٹرول روم فلڈ دا دورہ کیتے۔انہاں کنٹرول روم اچ مینھ اتے چھل دی تازہ ترین صورتحال دا جائزہ ڳھدا اتے سٹاف کوں بہترین مانیٹرنگ بارے ہدایات وی ݙتن ۔ایں موقع تے ڳالھ مہاڑ کریندے ہوئیں ڈپٹی کمشنر مہر شاہد زمان لک آکھیے ڈیجیٹل سسٹم نال کہیں وی ہنگامی صورتحال دی موقع تے تازہ ترین معلومات کوں شیئر کیتا ونڄ سڳدے ،ضلعی کنٹرول روم فلڈ جدید ترین ڈیجیٹل سسٹم نال جڑیا ہویا اے جیں پاروں اساں موقع دی مناسبت نال ھک جاہ توں ہی ہدایات دے نال اقدامات کوں وی یقینی بݨاسڳدوں ، ایں حوالے نال کنٹرول روم اچ تعینات سٹاف تے باریاں ذمے واریاں لڳدن ۔ کنٹرول روم دے ورکرز حالات دی نزاکت کوں سمجھدے ہوئیں آپݨے فرائض چنڳے طریقے نال نبھاون ۔ایں موقع تے کنٹرول روم اچ موجود سٹاف انہاں کوں جدید ڈیجیٹل سسٹم توں لنک تازہ ترین چھل دی صورتحال دا ݙسایا ۔
