ملتان۔ 25 جولائی (اے پی پی) سنٹرل کاٹن ریسرچ انسٹیٹیوٹ ملتان دے شعبہ اینٹامالوجی دے سائنسدان فرحان احمد چینی حکومت دے سکالرشپ پرانسٹیٹیوٹ آف انسیکٹس سائنسز کالج آف ایگریکلچراینڈ بائیو ٹیکنالوجی چچیانگ یونیورسٹی آف چائنا توں آپݨی ڈاکٹریٹ دی ڈگری(اینٹامالوجی)مکمل کرڳھدی ۔ ڈاکٹر فرحان احمد کورس ورک اچ رلیے سارے ملکی وغیر ملکی طلباء وطالبات اچوں ساریں توں ودھ نمبر ڳھدے جیڑھے جو 91فیصد توں ودھ ہن ۔ ڈاکٹر فرحان 2010 اچ زرعی یونیورسٹی فیصل آباد توں اینٹامالوجی اچ ایم ایس سی آنرزاینٹامالوجی کیتی تے دوران تعلیم ایم ایس سی میرٹ سکالر شپ یو اے ایف 2008-9 اتے 2009-10 وی ڳھدا ۔او 2014ءاچ پاکستان سنٹرل کاٹن کمیٹی نال جڑیے تے سنٹرل کاٹن ریسرچ انسٹیٹیوٹ سندھ اچ بطور سائنٹفک آفیسر شعبہ اینٹامالوجی اچ آپݨی خدمات ݙیندے رہیے تے بعد اچ انہاں دی قابلیت تے شعبہ دا بطور سربراہ چارج وی ݙے ݙتاڳیا۔بطور سائنٹفک آفیسر انہاں دے ملکی و غیر ملکی جریدے اچ 30 توں ودھ تحقیقی پیپرز شائع تھی چکئن تے ٻہوں سارے ملکی تے غیر ملکی ورکشاپاں تے سیمینارز اچ حصہ گھن ۔ انہاں دے تحقیقی مقالے بین الاقوامی سطح تے مختلف جریندے اچ چھپ چکئن جنہاں اچ سر فہرست مائیکرو بائیولو جی سپیکٹرم (امریکن جرنل )، فرنٹئیرز ان مائیکرو بائیولوجی، انسیکٹس سائنسز( چینی جرنل)اتے پلوزون شامل ہن۔
