مقبوضہ بیت المقدس۔25جولائی (اے پی پی) اسرائیلی فوج دی مقبوضہ مغربی کنارے اچ فائرنگ ، 3فلسطینی شہید کر ݙتے۔ فرانسیسی خبر رساں ادارے موجب فلسطین دی وزارت صحت ݙسیا جو اسرائیلی فوج منگل کوں نابلس شہر اچ فائرنگ کر تے 3فلسطینیاں کوں شہید کر ݙتے۔ اسرائیلی فوج دعوی کیتے جو ترائے مسلح بندے ڳاݙی توں نابلس اچ اسرائیلی فورسز تے حملہ کیتے جئیں تے فورسز جوابی فائرنگ کیتی۔ فلسطینی صدر دے ترجمان نبیل ابو رودینہ 3 فلسطینیاں دے قتل کوں جنگی جرم آکھدیں ہوئیں آکھیا جو اسرائیلی جرائم فلسطینیاں کوں جھکا نی کر سڳدے۔
