کولمبو۔27جولائی(اے پی پی) کولمبو ٹیسٹ اچ پاکستان سری لنکا کوں ہک اننگز اتے 222 رنز توں ہرا تے سیریز وائٹ واش کر ݙتی اے۔ پاکستان پہلی اننگز 576 رنز 5 کھلاڑی آئوٹ تے ڈیکلیئر کرتے 410 رنز دی وتھی ڳھدی ہئی۔ ولدے اچ سری لنکن ٹیم 188 رنز تے آئوٹ تھی ڳئی۔ کھبے سپنر نعمان علی 7 اتے نسیم شاہ 3 وکٹاں ڳھدن۔ عبداللہ شفیق کوں شاندار ڈبل سنچری تے پلیئر آف دی میچ اتے آغا سلمان کوں آل رائونڈ پرفارمنس تے سیریز دا بہترین کھلاڑی قرار ݙتا ڳئے۔ پاکستان ݙو سال بعد پہلی واری ٹیسٹ سیریز جیتی اے۔ میچ دے چوتھے ݙینھ آغا سلمان 132 اتے محمد رضوان 51 رنز ناٹ آؤٹ رہین۔ سری لنکا ولوں اینجلو میتھیوز 63 رنز نال ٹاپ سکورر رہین۔ سری لنکا دی ٹیم پہلی اننگز اچ 166 رنز ٻݨا تے آئوٹ تھئی ہئی۔
