گوادر۔27جولائی(اے پی پی):وزیراعظم محمد شہباز شریف آکھیے جو خصوصی سرمایہ کاری سہولت کونسل (ایس آئی ایف سی) دے وژن تے حقیقی عملدرآمد نال انقلاب آسی اتے اے پاکستان دے 22 کروڑ عوام دی ترقی و خوشحالی دا ضامن ہوسی، اللہ تعالیٰ بلوچستان کوں وݙے وسائل ݙتن، گوادر پورٹ ڄڳ دی اہم ترین بندرگاہ اے جتھاں پیوݨ دے پاݨی دا منصوبہ اتے ایران توں 100 میگاواٹ بجلی سودھ ٻعے منصوبے ٻہوں ڳھٹ مد اچ مکمل تھین۔ اے ڳالھ انہاں گوادر بزنس سینٹر اچ مختلف ترقیاتی منصوبیاں دا منݙھ ٻدھݨ اتے ڳھنف کھولݨ دی تقریب نال خطاب اچ آکھی اتے آکھیا جو ایس آئی ایف سی پاکستان دی ترقی و خوشحالی کیتے ہک وفا متحرک پروگرام اے جیندے تے عمل نال ترقی دیاں نویان راہین کھلسن۔ وزیراعظم خضدار-پنجگور ٹرانسمیشن لائن دے افتتاح، خضدار-بسیمہ ݙو لین سڑک دی تعمیر، واٹر سپلائی و ڈسٹری بیوشن سکیم، 1.2 ایم جی ڈی آر او ڈی سیلینیشن پلانٹ اتے گوادر پورٹ ڈریجنگ شروع کرݨ دا ڳھنݙ کھولیا۔ انہاں آواران-نال اتے آواران-جھل جاہو سڑکاں دی بحالی اتے اپ گریڈیشن، ایم 8 دے خضدار سیکشن، گوادر سیف سٹی پراجیکٹ اتے گوادر یونیورسٹی دا منݙھ ٻدھیا۔ انہاں نیو گوادر بین الاقوامی ہوائی اڈے تے ایئر سائیڈ انفراسٹرکچر (رن وے، ٹیکسی وے اتے اپرن) دی تکمیل دی تختی دا وی ڳھنݙ کھولیا۔
