باجوڑ، جمعیت علماء اسلام (ف) دے ورکرز کنونشن اچ دھماکا، 20 افراد جاں بحق، 50 زخمی

باجوڑ۔ 30 جولائی (اے پی پی):باجوڑ اچ خار دے علاقے دبئی موڑ اچ جمعیت علماء اسلام (ف) دے ورکرز کنونش اچ دھماکا تھئے جیندے اچ 20 افراد جاں بحق اتے 50 زخمی تھی ڳن۔ ریسکیو 1122 آکھیے جو دھماکے دے بعد امدادی کارروائیاں شروع ہین اتے زخمیاں کوں ہسپتال پچا ݙتا ڳئے۔ قانون نافذ کرݨ آلے اداریاں اتے سیکورٹی فورسز دھمکاکے دی ڄاہ کوں گھیر ڳھدے اتے تحقیقات و سرچ آپریشن جاری اے۔ جمعیت علماء اسلام (ف) خیبر پختونخوا دے ترجمان فسائے جو دھماکہ مولانا لائق شاہ دے خطاب ویلھے تھئے۔ انتظامیہ باجوڑ دے ہسپتالاں اچ ایمرجنسی نافذ کرݙتی اے۔ جمعیت علماء اسلام (ف) دے سربراہ مولانا فضل الرحمن کارکناں کوں پرامن رہݨ دی ہدایت کریندے اپیل کیتی اے جو کارکن خون عطیہ کرݨ ہسپتال پڄن۔