ناموس رسالت ﷺاتے حرمت قرآن تے جان وی قربان اے، چین پاکستان کوں ݙیوالہ تھیوݨ توں بچاوݨ کیتے وݙا ہتھ ونݙائے، وزیر خزانہ اسحاق ڈار

اسلام آباد۔30جولائی(اے پی پی)سینیٹ اچ قائد ایوان، وفاقی وزیر خزانہ سینیٹر اسحق ڈار آکھیے جو ناموس رسالت ﷺ اتے حرمت قرآن تے ساݙی جان و مال قربان اے، حکومت قرآن پاک دی بے حرمتی دے واقعات دی بھرپور مذمت کیتی اے، چین پاکستان کوں ݙیوالہ تھیوݨ توں بچاوݨ کیتے اہم کردار ادا کیتے، بیرونی قرضیاں دی ساریاں ادائیگیاں دے بعد زرمبادلہدکے ذخائر مستحکم تھی چکین، ملکی ذخائر 14 ارب ڈالر تئیں پڄ ڳن، زرمبادلہ دے ذخائر ٻئے ودھاوݨ کتیے اقدامات کیتے ویندے ہن۔ سینیٹ اجلاس اچ الیندے انہاں آکھیا جو ناموس رسالت ﷺاتے حرمت قرآن بارے ایوان کوں قرارداد اچ ودھ تے اپݨا موقف ݙیوݨا چاہیدے۔ انہاں آکھیا جو سی پیک کوں ݙاہ سال تھی چکین، چینی نائب وزیر اعظم آندے پن، سعودی عرب، متحدہ عرب امارات اتے چین پاکستان دا ہر ݙکھ سکھ اچ ہتھ ونݙائے، اساں ویلھے تے عالمی قرضے ولا ݙتن، اساں ادائیگیاں دے پورے انتظامات کیتے ہوئے ہن، جیکر آئی ایم ایف نال پروگرام فائنل نا تھیندا ول وی ݙیوالا نا تھیووں ہا، ایندے کیتے متبادل منصوبہ بندی کیتی ہوئی ہئی۔ جون اچ 2.3 ارب ڈالر دی ادائیگیاں کرݨا ہان، ٻھل ہݨ چین دا قرضہ رول اوور تھی ڳئے، چین آئی ایم ایف نال قرضہ رکݨ تے ٻہوں ہتھ ونݙائے، کوشش اے جو زرمبادلہ دے ذخائر 16 ارب ڈالر تئیں ڳھن ونڄوں، ورلڈ بینک توں ستمبر اچ 450 ملین ڈالر، ایشیائی ترقیاتی بینک توں 300 ملین ڈالر قرض تیکھے مل ویسی۔ اسحاق ڈار آکھیا جو اساں آئی ایم ایم دے رکن ہیں، آئی ایم ایف کولو پندے نسے صرف قرض ڳھندے ہیں، اساں قابل فخر پاکستانی ہیں، ساکوں قرض دی ریٻری توں نکلݨا ہوسی، ساکوں میثاق معیشت کرݨا چاہیدے، کٹھیاں کوششاں نال ہی ملک کوں ترقی دے پندھ تے ٹور سڳدے ہیں۔