چین دے تعاون نال پاکستان اوکھے دور توں نکل آئے، وزیرخزانہ اسحاق ڈاردا بینک آف چائنا دی برانچ دی افتتاحی تقریب توں خطاب

اسلام آباد۔31جولائی  (اے پی پی) وفاقی وزیرخزانہ تےمحصولات سینیٹرمحمداسحاق ڈارآکھیا جو چین دے تعاون نال پاکستان اوکھے دور توں نکل آئے، اوکھے دور اچ چینی وزارت خارجہ، وزارت خزانہ، بینک آف چائنا اتے ٻئی چینی بینکاں ولوں پاکستان نال ٻہوں تعاون کیتا ڳئے۔ چین دا ون بیلٹ ون روڈ انیشی ایٹو اتےسی  پیک چین دے صدر شی جن پنگ دا وݙا کم اے اتےخطے تے دنیا دا معاشی مستقبل اے، پاک چین دوستی ماکھی توں ودھ مٹھی، سمندراں توں ودھ گھاٹی اتے ہمالیہ توں اُچی اے۔ سنوار وکں پاکستان اچ   بینک آف چائنا دی ݙوجھی برانچ دی افتتاحی تقریب توں خطاب کریندیں ہوئیں وزیرخزانہ آکھیا جو ایں تقریب اچ شریک تھیوݨ تاریخی موقع اے۔ نویں برانچ ٻݨݨ پاک چین دوستی کوں نشابر کریندی اے۔ انہاں آکھیا جو بینک آف چائنا  ݙوجھی برانچ دی افتتاحی تقریب اچ بینک دے گورنر، صدر اتے ٻے اعلیٰ عہدیداراں دی شرکت اساں کیتے خوشی دی ڳالھ اے۔ بینک آف چائنا، آئی سی بی سی اتےچین دے ٻے بینک اساݙے عظیم مالیاتی سانجھے دار ہن۔