پاکستان پیپلز پارٹی سی پیک دی 10 ویں سالڳنڈھ دی تقریبات اچ چین دے نائب وزیر اعظم ہی لی فینگ دا پرتپاک خیرمقدم کریندی اے، سینیٹر شیری رحمن

اسلام آباد۔31جولائی  (اے پی پی) وفاقی وزیر برائے موسمیاتی تبدیلی اتے ماحولیاتی رابطہ سینیٹر شیری رحمان آکھیا جو پاکستان پیپلز پارٹی چین پاکستان اقتصادی راہداری منصوبے (سی پیک) دی 10 ویں سالگنڈھ دی تقریبات اچ شرکت کیتے آئے چین دے نائب وزیر اعظم ہی لی فینگ دا پرتپاک خیرمقدم کریندی اے۔ سنوار کوں آپݨے ٹویٹ اچ انہاں آکھیا جو اساکوں پاکستان اتے چین وچال پائیدار دوستی تے فخر اے جئیں دا منڈھ شہید ذوالفقار علی بھٹو اتے چیئرمین ماؤزے تنگ رکھی،اساں کیتے سی پیک ہک قابل فخر منصوبہ اے جئیں دا سہرا صدر شی جن پنگ اتے آصف علی زرداری کوں ویندے۔