اسلام آباد۔1اگست (اے پی پی) سپیکر قومی اسمبلی راجہ پرویز اشرف اقوام متحدہ ولوں پاکستان دی سماجی تے اقتصادی ترقی کیتے تعاون دی تعریف کریندیں ہوئیں آکھیا جو پارلیمان وچال قانون سازی دے شعبے، تحقیق اچ تعاون اتے تجربیاں دے تبادلیاں دی لوڑھ اے۔ اے ڳالھیں انہاں پاکستان اچ تعینات اقوام متحدہ دے ریذیڈنٹ کوآرڈینیٹر جولین ہیملز نال ملاقات اچ آکھی جنہاں منگل کوں پارلیمنٹ ہاؤس اچ انہاں نال ملاقات …
سپیکر قومی اسمبلی راجہ پرویز اشرف نال پاکستان اچ اقوام متحدہ دے ریذیڈنٹ کوآرڈینیٹر دی ملاقات
مزید خبراں
اسلام آباد۔1اگست (اے پی پی) سپیکر قومی اسمبلی راجہ پرویز اشرف اقوام متحدہ ولوں پاکستان دی سماجی تے اقتصادی ترقی کیتے تعاون دی تعریف کریندیں ہوئیں آکھیا جو پارلیمان وچال قانون سازی دے شعبے، تحقیق اچ تعاون اتے تجربیاں دے تبادلیاں دی لوڑھ اے۔ اے ڳالھیں انہاں پاکستان اچ تعینات اقوام متحدہ دے ریذیڈنٹ کوآرڈینیٹر جولین ہیملز نال ملاقات اچ آکھی جنہاں منگل کوں پارلیمنٹ ہاؤس اچ انہاں نال ملاقات کیتی۔ مختلف شعبیاں اچ سرکاری افسراں دی تربیت اچ تعاون بارے اقوام متحدہ دے نمائندے دی بریفنگ دا جواب ݙیندیں ہوئیں سپیکر قومی اسمبلی راجہ پرویز اشرف آکھیا جو معیاری قانون سازی کیتے پارلیمانی تحقیق ضروری اے۔ انہاں ملک دی ترقی تے خوشحالی کیتے مختلف سماجی تے اقتصادی شعبیاں اچ اقوام متحدہ دے تعاون اچ ودھارے دی لوڑھ تے زور ݙتا۔ انہاں ملک کوں ترقی دی راہ تے ٹورݨ کیتے سول سوسائٹی، پریس کلب ایسوسی ایشنز، بار کونسلز دے نمائندے، مقامی حکومتاں، چیمبر آف کامرس اتے دانشوراں کوں مشاورت دے عمل اچ رَلاوݨ دا آکھیا۔ پاکستان اچ اقوام متحدہ دے ریذیڈنٹ کوآرڈینیٹر جولین ہیملز سپیکر قومی اسمبلی ولوں تعاون دی تعریف کیتی۔
