اسلام آباد۔1اگست (اے پی پی) وزیرِ اعظم محمد شہباز شریف آکھیا جو پاکستان اچ سرمایہ کاری کرݨ آلیاں کوں نہ صرف نگران حکومت بلکہ آندی حکومت وی سہولت ݙیسی، سرمایہ کاری سہولت کونسل پاکستان اچ ٻاہرلی سرمایہ کاری منصوبیاں کوں فوری پورا کرݨ یقینی ٻݨیسی۔ پاکستان اچ معدنیات دے شعبے اچ سرمایہ کاری دے ٻہوں موقع موجود ہن۔ اے ڳالھیں انہاں منگل کوں سعودی عرب دے نائب وزیر برائے کان …
وزیرِ اعظم محمد شہباز شریف نال سعودی عرب دے نائب وزیر برائے کان کنی، صنعت تے معدنیات خالد بن صالح المدفر دی سعودی وفد دے رَلے ملاقات
مزید خبراں
اسلام آباد۔1اگست (اے پی پی) وزیرِ اعظم محمد شہباز شریف آکھیا جو پاکستان اچ سرمایہ کاری کرݨ آلیاں کوں نہ صرف نگران حکومت بلکہ آندی حکومت وی سہولت ݙیسی، سرمایہ کاری سہولت کونسل پاکستان اچ ٻاہرلی سرمایہ کاری منصوبیاں کوں فوری پورا کرݨ یقینی ٻݨیسی۔ پاکستان اچ معدنیات دے شعبے اچ سرمایہ کاری دے ٻہوں موقع موجود ہن۔ اے ڳالھیں انہاں منگل کوں سعودی عرب دے نائب وزیر برائے کان کنی، صنعت تے معدنیات خالد بن صالح المدفر نال سعودی وفد دے رلے ملاقات کریندیں ہوئیں آکھی۔ وزیراعظم آفس میڈیا ونگ توں جاری بیان موجب ملاقات اچ وفاقی وزراء انجینئر مخدوم مرتضیٰ محمود، خرم دستگیر، وزیرِ مملکت پٹرولیم مصدق ملک، معاون خصوصی تسنیم احمد قریشی اتے متعلقہ اعلیٰ حکام موجود ہن۔ ملاقات اچ خالدبن صالح المدفر وزیرِاعظم دے پاکستان اچ ٻاہرلے سرمایہ کاراں کیتے سہولت دے اقدامات اتے ایس آئی ایف سی ٻݨاوݨ تے خراج تحسین پیش کیتا۔ انہاں آکھیا جوایس آئی ایف سی ٻݨاوݨ حکومت دا پاکستان اچ ٻاہرلی سرمایہ کاری ودھاوݨ کیتے ہک سنجیدہ کم اے۔ سعودی وفد اچ سعودی عرب دے پاکستان اچ سفیر نواف بن سعید المالکی، عبداللہ موفتر الشمرانی چیئرمین سعودی جیولاجیکل سروے، عبدالرحمن خالد البیلوشی نائب وزیر برائے کان کنی صنعت اتے اعلی سعودی حکام شامل ہن۔
