بدقسمتی نال دہشتگردی واقعات ول سِر چاوݨ لڳ ڳن، اپݨیاں غلطیاں دی اصلاح کرݨی ہوسی، وفاقی وزیر خزانہ سینیٹر اسحاق ڈار

اسلام آباد۔2اگست(اے پی پی):وفاقی وزیر خزانہ سینیٹر اسحاق ڈار آکھیے جو بدقسمتی نال دہشت گردی واقعات ولا سر چاوݨ لڳ ڳین، دہشتگرداں دے خلاف ٹھوس اقدامات اتے فیصلہ کن جنگ دی لوڑھ اے، پاکستان چھوڑ ونڄݨ آلے دہشتگرداں نال پچھلی حکومت مذاکرات کیوں کیتے ہن، کیوں انہان کوں ولا ڳھن آئن؟ ساکوں اپݨیاں غلطیاں دی اصلاح کرݨی ہوسی۔ سینیٹ اچ سانحہ باجوڑ تے الیندے انہاں آکھیا جو سانحہ باجور افسوسناک اے، ساݙیاں دعائیں سوگوار ٹٻراں اتے جے یو آئی دی قیادت دے نال ہین، واقعہ کوں ݙیہدے ہوئے سوچݨا ہوسی جو پاکستان اچ دہشتگردی ولا کیوں سر چاتے؟