عمران خان دی گرفتاری دا الیکشن یا سیاست نال تعلق کائنی، عمران خان کوں چوری تے عدالت توں سزا تھئی اے، کیا الیکشن توں پہلے سارے چوراں دی سزا روک ݙتی وںجے؟ وفاقی وزیر اطلاعات مریم اورنگزیب دی پریس کانفرنس

اسلام آباد۔5اگست (اے پی پی) وفاقی وزیر اطلاعات تے نشریات مریم اورنگزیب آکھیا جو عمران خان دی گرفتاری دا الیکشن یا سیاست نال تعلق کائنی، عمران خان کوں چوری تے  عدالت توں سزا تھئی اے، کیا الیکشن توں پہلے سارے چوراں دی سزا روک ݙتی وںجے؟ عمران خان توشہ خانہ کیس اچ کوڑ ماریے، کوڑ کݙاہیں سچ نی ثابت تھیندا، عدالت دا فیصلہ آڳئے، عدالتی فیصلے تے عمل درآمد کیتا ڳئے۔ چھݨ چھݨ کوں پریس کانفرنس توں خطاب کریندیں ہوئیں انہاں آکھیا جو عمران خان آپݨے اتے لڳیے کہیں الزام داجواب نی ݙتا، جݙاں وی انہاں توں جواب منڳیا او اداریاں تے حملہ آور تھیندے ہن۔ انہاں آکھیا جو پی ٹی آئی چیئرمین دے جرائم دی تحقیقات ہک سال توں جاری ہن، توشہ خانہ کیس اچ چالھی توں ودھ پیشیاں تھئی پر چیئرمین پی ٹی آئی صرف ترائے پیشیاں تے پیش تھیے۔ ملزم کوں صفائی دا پورا موقع ݙتا ڳئے۔ کیس اچ سارے قانونی تقاضے پورے تھیے اتے ٹرائل پورا تھیوݨ تے عدالت آپݨا فیصلہ سݨائے۔ توشہ خانہ کیس اچ انہاں دی چوری پکڑی ڳئی اے۔ عمران خان توشہ خانہ دے تحفے ڳھدے بعد اچ ، ویچیے پہلے، انہاں دی گرفتاری دا سیاست توں کوئی تعلق کائنی۔ انہاں کوں چوری تے عدالت توں سزا تھئی اے۔